كشفت الفنانة يسرا تفاصيل مسلسلها الجديد ألف حمد لله على السلامة المقرر عرضه في رمضان القادم. وأضافت في مداخلة هاتفية مع الإعلامي رامي رضوان في برنامج مساء dmc :«المسلسل كوميدي ودمه خفيف، وبتحكي عن ست بتعود من الخارج ومستسلمة لزوجها تمام، ومبتشوفش زوجها ولكن بتكتشف أن لها ورث وهتيجي تاخده في مصر، وبنشوف كمية المواقف الدرامية، والمواقف الكوميدية اللي بين محمد ثروت وشيماء سيف».وتابعت:«أنا حابة الموضوع لأني حاسة أن الناس عايزة تضحك وتنبسط، وإحنا ولاد نكتة والشعب المصري لو ملاقاش حاجة ينكت عليها هينكت على نفسه، وإحنا ناس دمنا خفيف وعايزين نضحك».وأردفت:«المطرب عنبة ذكي جدًا ويمثل بطبيعية غير طبيعية وبتخض من الافيهات اللي بتطلع منه، وكل الكاست مميز جدأً، ومبسوطة بمحمد ثروت وشيماء سيف وآدم الشرقاوي بموت فيه من أيام لعبة نيوتن ولما اشتغلت معاه حبيته أكتر».واستطردت:«معايا جروب حلو أوي ومبسوطين ببعض وطالع الشغل شكله حلو الحمد لله، ومعايا مخرج جميل وكوميديان مثل الاستاذ عمرو صلاح».
